رواية موضوع عائلي الفصل الثالث والعشرون 23 بقلم رحاب القاضي
#موضوع_عائلي
_الحلقه الثالثه والعشرون
ــــــــــــــــــــــــــــــــــــــــ
_لن يؤخر الله دعوه الا وإن جعلها تحقق لك باكثر من ما تمنيت، عليك بالدعاء والصبر🤍🤍
_كانت هاجر نايمه جنب ابنها اللي بيلعب جنبيها وقالتله هاجر بهدوء...
هاجر
طالع لعمك مازن انت تناملي النهار كله وتصحالي بالليل يا ابن الجزمه واقصد بالجزمه ده ابوك ايوه..
اتملت عيونها دموع وقالت
شوفت البنت اللي هيتجوزها صغيره وحلوه ازاي ليه الحق يسيبني عشانها، هو اكيد فكر يسيبني من لما هي ظهرت في حياته، انا كنت حاسه اصلا يومها انه بيسيبني عشانها...
_وافتكرت اللي حصل من سنه بينها وبين محمد...
"فلاش باااك"
هاجر بدموع
سكت ليه يا محمد رد عليا انت عايز تكمل معايا ولا لا؟..
محمد بضيق
هتزعلي لو قولت لا.؟..
ابتسمت هاجر بدموع وقالت
مش وقت هزار بص انا هتحمل زعل اهلي عشان موضوع مازن وولاء وهحاول اصلح الوضع وو.. وكمان مش عندي مشكله اننا نقعد هنا مع اهلك انا مش هكون تقيله عليك في حاجه..
محمد بحزن
مدام فتحتي الموضوع يبقي اتكلم واقول اللي جوايا، انا مش بهزر يا هاجر انا حاولت بس مش هينفع..
نزلت دموع هاجر وقالت
ليه طيب انا مديقاك في ايه؟..
محمد
احنا في كل حاجه مش زي بعض حتي اهلنا بقي بينهم حاجز اهو، احنا ما فيش بينا كلام بعيد عن البيت والشغل،انا مش مرتاح في العلاقه دي زي كنت متوقع، حاولت عشان ابننا بس لقيت اني بظلم نفسي وهظلمك وهظلمه هو كمان..
هاجر مسحت دموعها وقالت
انت اللي اتغيرت معايا اول جوازنا كنت بتتمنالي الرضا ارضي، وانا سمعت كلامك وبقيت اقول حاضر ونعم واستحملت اهانة امك ليا واهو بستحمل اللي عملو اخوك في اختي عشانك وفي الاخر انت اللي مش مرتاح..
محمد
ما طلبتش منك تعملي حاجه لاني برضو مش مرتاح، مش انتي البنت اللي اتمنيتها يا هاجر...
هاجر بحزن
تمام يبقي كل واحد يروح لحاله احسن، وما تقلقش ابنك هيبقي منحقك تشوفه في اي وقت..
_وراحت طلعت شنطة هدومها من ورا الدولاب وفتحتها وبقيت تطلع هدومها وتحطها فيها ودموعها بتنزل غصب عنها وقالتله..
هاجر
هقول لاهلي اني مش عايزاااك وان انا اللي مش مرتتاحه..
قفلت الشنطه وبصتله بكل الم
مش عايزه اكون في نظرهم متسابه ومضحوك عليا مرتين..
محمد بضيق
استني يا هاجر هوصلك...
هاجر
لا لا ما تتعبش نفسك انا عارفه الطريق كويس جدا، ما هي مش اول مره..
_ قالت كلامها واخدت شنطة هدومها ومشيت وكانت نازله علي السلم وقعدت مكانها وفضلت تعيط وحطت ايدها علي بطنها وقالت ببكاء..
هاجر
سابنا مش هيبقي موجود في حياتي انا وانت تاني..
_بااااك..
ــــــــ
_كانت هاجر باصه لابنها اللي نام بكل هدوء جنبيها ومسحت دموعها وقالتله وهي بتمرى ايدها علي شعره ووشه..
هاجر
اوعي انت كمان لما تكبر تزهق مني وما ترتاحش معايا وتسيبني، انا ما بقاش ليا غيرك انت وبس..
ـــــ #بقلم_الكاتبه_رحاب_القاضي ـــــ
_وتاني يوم بالليل في بيت حامد الصاوي...
كانت بطه واقفه في البلكونه وبتكلم يوسف اللي واقف تحت قدام عربيته وبتقوله...
بطه
والله احنا في نعمه كفايه انك بتشوفني اصلا ده زمان علي ايام جدي وجدتك كان العريس مش بيشوف العروسه غير يوم الفرح..
يوسف بسخريه
امم فعلا في نعمه بس نعمه مشلوله، وبعدين انا زهقت يا بطه كلمي امك تكلم جوزها نقدم معاد الفرح شويه..
بطه
للاسف امي مش بتقدر تعترض علي اي حاجه بيقولها عمي حامد الحب وعمايله بقي..
يوسف ابتسم وقال
اااه ما انتي للاسف مش طلعالها..
بطه
لا والله وانا قصرت معاك في ايه ده انا حطاك في قلبي وقافله عليك اهووو..
يوسف
ايوه بقي هو ده الكلام مش هتبقي ناشفه من كل ناحيه..
_قبل ما ترد عليه بطه اللي كانت بتضحك طلع يونس في بلكونة شقته وقال...
يونس
انت بتعمل ايه عندك يا يوسف؟..
يوسف بخوف
يخربيتك اسكت..
يونس بخبث
اااه بتكلم بطه ادخلي يا بت انتي جوه بدل ما انزلك..
دخلت بطه بسرعه ويوسف قال بغيظ
علي صوتك اكتر يلااا بوظ ام الجوازه اكتر ما هي بايظه...
يونس
ده انا هبوظ خلقة اهلك لو ما مشيتش من هنا دلوقتي وبطلت الحركات بتاعت اعدادي دي..
يوسف بغضب
ماشي اهو..
وقال بصوت واطي وهو بيركب عربيته
جاتك الهم انت وابوك بس اتجوزها وانا هوريكم..
_ وفوق دخل يونس شقته وهو بيضحك، وفي الوقت ده كانت شهد خلصت لبسها وهي واقفه قدام المرايا وقالتله..
شهد
حرام عليكم بقي سيبهم في حالهم مش كفايه اللي بيعمله فيهم عمي حامد...
قرب منها يونس وقالها
بس ايه القمر ده..
شهد ابتسمت وقالت
بجد شكلي حلو؟..
يونس
ما شوفتش احلي منك في حياتي..
باسته شهد في خده وقالتله
ربنا يخليك ليا يا حبيبي...
ومسكت الشنطه بتاعتها وقالت
يلا طيب عشان ما نتأخرش واسمع ما تسبنيش لوحدي هناك انا ما اعرفش حد منهم..
يونس
ما تقلقيش انا مش هسيبك خالض هناك، وبعدين دي ناس طريقتهم غيرنا فمش عايزك بقي تتصرفي هناك زيهم..
شهد
حاضر يا يونس...
ــــــــ #بقلم_الكاتبه_رحاب_القاضي ـــــــ
_ وفي القناه اللي شغال فيها محمد..
طلع من مكتب المدير وهو متعصب وراحت ورااه زينب مكتبه وقالتله..
زينب
في ايه يا محمد دي طريقه تتعامل بيها مع خالي..
محمد
انا من امتي حد يحددلي اقول ايه وما اقولش ايه؟..
زينب
يا حبيبي ده النظام والسيستم هنا، نرضي اللي فوق عشان نوصل..
محمد
لا معلش هما مين اللي فوق اللي همة بشر زيي وزيك، لا انا مش دي رسالتي للناس بتابعني انا برضي ربنا ورب الكل وبنقل كلامه للناس انما تحريف الدين دي مش سكتي وعمري ما هشترك في الجريمه دي..
زينب بسخريه
ايه الاوفر ده يا محمد وبعدين هو انت كل اللي بتنصح بيه الناس بتطبقه علي نفسك اكيد لا..
محمد راح فتح باب المكتب وقالها
مليون مره اقول لما نكون لوحدنا الباب يتفتح، ده برضو انا بنصح بيه ولازم اطبقه يا زينب..
زينب اتنهدت بضيق وقالتله
يا محمد افهمني هما كلمتين هتقولهم وخلاص وانت حر في نفسك بقي ما تعملش بالكلام ده انت حر بس ده شغلك وبعدين ما البنوك كلها شغاله اهي في الاقراض ده غير ان في مليون شركه دلوقتي بيكون فيها فوايد ومنها بنوك اسلاميه..
محمد بسخريه
اهم دول بالظبط عاملين زي اللي بيجيب فراخ ميته وبحطها في شنط ويكتب عليها حلال ويأكل الناس، والناس طبعا تاكل وهو يشيل ذنوب انا بقي عمري ما هكون زي اللي بيعمل كده، انا ممكن اكون بغلط ومش واخد بالي بس براجع نفسي ديما وبحاول ارضي ربنا وما فيش حد كامل يا زينب..
زينب بضيق
بص يا محمد علاقتنا علي جنب ودلوقتي نتكلم في الشغل انت هتتكلم الحلقه الجايه زي ما خالي طلب منك اهلا وسهلا مش عايز يبقي تقدمله استقالتك احسن لانه ما بيرجعش في كلامه، بعد اذنك يا شيخ محمد..
_ قالت كلامها وطلعت ومحمد قعد علي مكتبه وهو مدايق منها ومن تصرفاتها، مسك موبيله عشان يشوف الساعه وبص لصورة حامد ابنه اللي حاطتها خلفيه علي الفون وابتسم ونسي كل حاجه حواليه، وراح وقف عند الشباك وطلع رقم هاجر ورن عليها..
ردت عليه هاجر وقالت
الو..
محمد بهدوء
عامله ايه يا هاجر؟..
هاجر
تمام الحمد لله، وحامد كويس وزي الفل وطنط هناء كانت هنا من شويه تقدر تكلمها وتطمن عليه اكتر..
محمد بضيق
ممكن اشوفه، انا هجيلك دلوقتي...
هاجر
اا لا خليها بكره تعالي اقعد معاه براحتك بعد ما بابا يرجع من الشغل لان دلوقتي عندنا ضيوف..
في الوقت ده دخلت عندها ولاء وقالت
سامعه صوت ضحك ابنك اهو كل ده لما عدي شاله وفضل يلاعبه، وصوت ضحكته اول مره يطلع معاه اهو..
بصتلها هاجر بحده وقالت لمحمد
خلاص بقي يا محمد تقدر بكره تكلم بابا وتظبط معاه وتيجي تشوفه...
محمد
ماشي سلام...
_قفل معاها وكلام ولاء مش طالع من دمااغه وان المفروض ابنه يضحك معاه اول مره ويكون هو معاه في بداية كل حاجه قي حياته،وهاجر بتشارك حد غيره اللحظات دي دلوقتي مع ابنهم،رمي الفون بتاعه علي المكتب بعصبيه وفتح اللابتوب وفضل يشتغل..
وهاجر قالت بحده لولاء
مش الاول تشوفيني بعمل ايه وبعدين. تتكلمي..
ولاء
وانا اعرف منين فاكره انك بتكلمي شهد، المهم مش هتيجي تقعدي معانا..
هاجر بضيق
لا وبعدين انا لسه رافضه الراجل ده امبارح يقوم يجي النهارده...
ولاء بخبث
صدق اللي قال الحب بهدله..
هاجر
لمي نفسك بدل مو اقوم اجيبك من شعرك يا سوسه انتي، روحي اقعدي مت خطيبك واخوه بره يلاا..
ولاء
انتي عارفه اصلا عدي جه وجابنا من المطار عشان يجي معانا هنا، خلي عندك. دم بقي وتعالي سلمي عليه والله ده قمر ده البنات بتموت عليه..
هاجر
سيبك منه دلوقتي وقوليلي فاضيه بكره..
ولاء
ليه يعني في ايه بكره؟..
هاجر بتوتر
عايزه اجيب شوية حاجات جديده علي الموضه يعني وانتي بتفهمي في الحاجات دي اكتر مني، واغير بقي هدومي دي احسن انا حاسه ان عندي خمسين سنه..
ولاء
لا خمسين سنه اين بس ما تقوليش كده، قولي 60 او 70 سنه ده امك اشيك منك..
هاجر بغيظ
طيب امشي غوري بقي اطلعي بره..
ضحكت ولاء وحضنتها وقالت
يا ستي بكره ننزل ونعمل كل اللي انتي عايزاااه..
ـــــــ #بقلم_الكاتبه_رحاب_القاضي ـــــــ
وفي بيت احمد رياض....
كان يونس هو وشهد قاعدين هناك بيتعشو مع عيلة احمد وكان معاهم سلطان اللي ما نزلش عينه من علي شهد من اول ما دخلت وهي كانت مدايقه من نظراته ليها ، وثريا بصت لشهد بخبث وقالت ....
ثريا
بس غريبه نور قالتلي ان ما فيش بنات احلي منها في المنطقه اللي هي منها ، بس طبع في احلي بكتير اهو
اتعصبت نور وهي بتبص لشهد بغيظ وكان يونس ساكت ومركز علي كل تصرفات نور، بس اتحولت ملامحه للغضب لما سلطان قال...
سلطان
معاكي حق يا مرات عمي حتي في اللي عندنا هنا انا ما شوفتش اجمل منها، ليه الحق يونس يخفيها عننا وما يخليش حد يشوفها..
ضربه احمد في رجله وقال
ااا وانتي يا مدام شهد بتشتغلي ولا لا؟..
مسك يونس ايد شهد بتملك وقال
لا طبعا مش عايز اي حاجه تشغلها عني...
نور بخبث
هو انتي خريجة ايه اصلاً، ولا مش واخده جامعه؟..
ردت عليها شهد بهدوء وقالت
لا مش واخده جامعه انا اخدت ثانويه ازهريه واكتفيت بكده...
احمد
نور برضو سابت كلية الطب عشان ما تنشغلش. عني زي ما طلبت ماما منها..
ضحك يونس وهو بيبصلها وقال بخبث
لامؤخذه يعني بس في حد يضحي بكلية الطب عشان حد..
ثريا
بس نور ضحت بأكتر من كده عشان تكون مرات احمد رياض ولا ايه يا نور..
نور بحزن
ايوه..
شهد قربت من يونس وقالت بصوت واطي
ممكن نمشي..
يونس وعينه علي نور بشماته
خلينا قاعدين يا حبيبتي ده انا مستني اليوم ده من زمان..
شهد بدموع
لو سمحت انا عايزه امشي من هنا...
سلطان
في ايه يا مدام شهد احنا لسه حتي ما اتعرفناش كويس..
ثريا
بقولكم ايه انا هاخد الراجل العجوز ده ونسيبكم لوحدكم بقي شباب من بعض..
وبصت لشهد وقالت
مبسوطه جدا اني اتعرفت عليكي يا شهد واتمني اشوفك تاني..
شهد حاولت تبتسم بصعوبه وقالت
حاضر ان شاء الله...
قام احمد وقال
تعالو بقي يا جماعه انا مظبط قعده لطيفه في الجنينه ونقضي السهره بره...
_ وطلعو كلهم قعدو بره وكانت شهد مدايقه جداً من نظرات سلطان ليها وكمان نور اللي كانت باين جدا انها مش حابه وجودها، واللي دايقها اكتر يونس اللي كان مش مركز معاها ولا حتي واخد باله من سلطان واللي بيعمله بس مشغول بتركيزه مع نور..
سلطان
ممكن لو سمحتي العصير اللي قدامك ده..
شهد
اكيد..
_ مسكت شهد كوباية العصير وكانت هتديها ليه بس هو لمس ايدها بطريقه مش كويسه فاتنفضت وكوباية العصير اتدلقت علي ايدها وكم فستانها باظ..
يونس بصلها بقلق وقال
في ايه يا حبيبتي مالك؟..
شهد بضيق
ما فيش بس.. اا انا ممكن اروح الحمام..
احمد.
اوي اوي طبعا، نور خدي مدام شهد لجوه..
قامت نور وقالت بضيق
اتفضلي..
قامت شهد ويونس قالها
انتي كويسه؟..
شهد بدموع
ايوه..
_ ودخلت جوه مع نور وكانت بتنضف في ايديها ونور قالتلها بسخريه...
نور
اللون اللي لابساه ده يونس مش بيحبه علي فكره، تحبي اقولك ايه اكتر الالوان اللي بيحبها..
غمضت شهد عيونها بضيق وقالت
لا انا لو عايزه اعرف حاجه عن جوزي مش هعرفها منك انتي..
ضحكت نور وقالت
هههههه جوزك، يونس اتجوزك منظر عشان يسمع كلمتين زي اللي قالتهم ماما ثريا علي العشا، انما انتي ما تتقارنيش بيا جوه يونس والا ما كانش هيحيبك عشان يغظني بيكي..
شهد بهدوء
خلصتي وهديتي ولا لسه هتسفي كهربا تاني، احب اقولك انك لو كان بيحبك فانتي مش مراته عشان تعرفيه اكتر مني برضو،تمام يا مدام نور؟..
نور بحده
لا مش تمام اللي بيني وبينه مستحيل توصلي لربعه، يونس لسه بيعشق نور ولو انا قررت ارجعله انتي هتكوني صفر علي الشمال، خلصي تنضيف البتاع اللي لابسااه ده وتعالي بره ورايا...
_قالت نور كلامها ومشيت وشهد دموعها نزلت بحزن، وكملت تنضيف فستانها وجات تطلع لقيت سلطان في وشها وقال..
سلطان
مالك كده خوفتي ليه، بجد انا مبهور بجمالك وانك طبيعيه اووي، تعرفي اني بدور علي واحده زيك كده من زماان ومش لاقي..
شهد بحده
لو سمحت عديني..
سلطان بخبث
بتحبيه مش كده باين اووي عليكي بس هو لو بيحبك ما كانش هيجيبك هنا ويخليكي تبقي في مواجهه مع حبيبته القديمه، انا اتصدمت زيك لما عرفت دلوقتي ان نور مرات ابن عمي تبقي حبيبة يونس الصاوي القديمه ايه الفيلم السخيف ده..
زعقت فيه شهد وقالت
لو سمحت ابعد عني لو سمحت...
_ طلعت شهد وهي بتعيط وقالت ليونس بحده..
شهد
قوم يا يونس انا عايزه امشي..
وقف يونس وقالها بقلق
في ايه مالك...
وبص لنور وقال
حد دايقك في حاجه؟..
احمد وقف وقال
في ايه يا مدام في حاجه حصلت زعلتك..
شهد مسكت ايد يونس وقالت
عايزه امشي دلوقتي يلااا يا يونس..
يونس
حاضر هنمشي اهدي بس... بعد اذنك يا احمد نتقابل مره تانيه..
احمد
اكيد طبعا ولا يهمك وانا بعتذر جدا لو حصلت حاجه دايقت المدام..
_ ومسك يونس ايد شهد وكانو ماشين بس لقي سلطان طالع من المكان اللي كانت قيه شهد وبيبص لشهد بطريقه مش كويسه وشهد مسكت في ايد يونس اكتر وهو اخدها ومشي وعيونه بتطلع شرار...
ــــــــ #بقلم_الكاتبه_رحاب_القاضي ــــــــ
_وفي اوضة ولاء كانت بتكلم نسرين اللي قالتلها..
نسرين
طيب هو عدي ده مش عايز عروسه تكون 21او 22؟..
ضحكت ولاء وقالت
ونسيب سلطان لمين بس؟..
نسرين
حرام عليكي سلطان ايه بس دلوقتي، ده يدوب معرفه ومستحيل اديله اي مساحه انه يقرب مني ده راجل سمعته سبقاااه..
ولاء
اوعي نسرين القطر بتتكلم، المهم انا هكلم شهد تخليها تقول لجوزها علي اللي عملو المدير السخيف ده..
نسرين
لا لا انا اصلا مش فبالي الموضوع بلاش مشاكل وبعدين انا مكتفيه بشغلي مع خالتو هنا..
ولاء بسرعه
طيب اقفلي اقفلي علي بيرن..
نسرين بغيظ
في ايه يا ولاء انا مش عارفه اقعد معاكي ولا اكلمك من سي علي ده هغير منه بجد...
ولاء ضحكت وقالت
هههههه والله كان لسه بيقولي واحنا في الطياره اننو ناخدك معانا الساحل انتي وخالتك.
نسرين بحماس
حبيبي حبيبي حبيبي جوز اختي..
ولاء
طيب اقفلي اما اشوف جوز اختك عايز ايه..
وقفلت معاها وردت ع علي وقالت
مسا مسا يا كبير..
علي
ولاء معايا؟..
ولاء
بيقولو هي..
ضحك علي وقالها
وحشتيني..
ولاء
ما انا كنت لسه معاك بس انت كمان وحشتني علي فكره ونفسي تفضل علي طول جنبي..
علي
يعني انتي هتكوني مبسوطه لما اجي تحت بيتكم دلوقتي
ولاء بحماس
ده انا هبقي طايره من الفرحه..
علي
طيب افتحي الشبااك بقي واستنيني..
ولاء بضحك
ههههه استني بهزر والله، المهم قولي عدي زعلان مش كده؟..
علي
طبعا هو نفسه بصراحه هاجر توافق..
ولاء بخبث
الصبر والله لاخليها تدوب فيه بس استني عليا..
_ تفتكرو بقي ولاء هتخطط لايه؟..
ــــــــ #بقلم_الكاتبه_رحاب_القاضي ــــــــ
_ وتحت بيت حامد الصاوي..
وقف يونس بعربيته قدام البيت وبص لشهد اللي كانت سانده براسها علي الشباك وعيونها كلها دموع وقالها..
يونس
انزلي يا شهد واطلعي فوق انا هروح مشوار مهم وج...
_ قبل ما يكمل كلامه سابته شهد ونزلت ورزعت باب العربيه ورااها جامد وطلعت فوق بسرعه، اتنهد يونس بضيق وقال لنفسه...
يونس
جايلك يا جزمه بس اخلص من اللي في ايدي الاول..
_ قال كلامه واخد عربيته وراح لملهي ليلي وكان سلطان هناك ومعاه بنت، قرب منه يونس ومسكه من هدومه وقال..
يونس بغضب
مرات يونس الصاوي مش واحده من الزباله اللي انت تعرفهم دول عشان تبصلها ولا تقرب منها وانا اسكت..
_ خلص كلامه وخبطه براسه في مناخيره وسابه يقع علي الارض، قام سلطان وهو ماسك مناخيره اللي بتنذف وقال بعصبيه..
سلطان
انت اتجننت يا يونس بتمد ايدك علياا...
لكمه يونس بقوه في وشه وقال
هو انا لسه عملت حاجه اصلا..
_وقبل ما يقوم سلطان ويدافع عن نفسه كان يونس الاسرع لما مسك الكرسي الخشب وخبطه بكل قوته علي سلطان اللي حط ايده علي راسه وقال بعصبيه والم..
سلطان
والله لاندمك يا بلطجي وهتشوف..
قرب منه يونس ومسكه من هدومه وقال
لا ومش اي بلطجي ده انا شاربها شرب، واقسم بالله لو حصل اتقابلت انت ومراتي وعينك اترفعت فيها حتي لو بالغلط هعلقك من رجليك واخليك عبره لاي حد يفكر يدايقني واللهم بلغت..
_ قال كلامه ومشي وسلطان كان متعصب جدا وهو بيتوعد ليونس، واول ما وصل يونس البيت وكان طالع شقته لقي شهد قاعده علي السلم وحاطه راسها علي الحيطه ونايمه، قرب منها بسرعه وقال..
يونس
شهد.. شهد قومي..
_فتحت عيونها وقامت من غير ما تتكلم، ويونس قالها بقلق..
يونس
ايه اللي نيمك هنا؟..
شهد بجمود
المفتاح معاك وانا نسيت بتاعي وموبيلي فصل شحن ما عرفتش اكلمك..
يونس
طيب كنتي نزلتي عند بطه..
شهد بضيق
حصل خير، ممكن ندخل بقي..
_ فتح يونس الباب وشهد دخلت بسرعه اوضتهم وقلعت الجزمه بتاعتها وحجابها وراحت بسرعه نامت من غير ما تقول ولا كلمه..
يونس وقف عند الباب وقال
انتي هتنامي كده؟..
_ ما ردتش عليه شهد وراح يونس غير هدومه ونام جنبيها وسمع صوت عياطها وقال بضيق...
يونس
يا شهد قوليلي ايه اللي حصل؟..
قامت شهد وقالت ببكاء
يعني انت مش عارف ايه اللي حصل حضرتك؟..
يونس
عشان كنا في بيت نور صح؟..
شهد بسخريه
ما انت بتفهم اهو...
يونس بحده
لمي نفسك يا شهد ومليون مره اقولك ان الموضوع خلص ووجودها ما كانش فارق معايا اصلا..
شهد بحزن
ايوه ما انا اخدت بالي حتي بالاماره انت ما نزلتش عينك من عليها وكأني مش موجوده جنبك، وكمان اللي عمرك ما قولتلي حبيبتك غير قدامها عشان تخليها تغير عليك بجد برافو عرفت تستغلني وتستغل مشاعري صح عشان توصل للي انت عايزه..
يونس بضيق
والله انتي فاهمه غلط..
شهد ببكاء
لا انت اللي غلط، انت اللي غلطت في حقي كنت لازم تقولي احنا رايحين عندها وانا حره كنت ارفض او اقبل مش تاخدني وتحطني في الامر الواقع من غير ما تحسب حساب وجعي اللي انا حاسه بيه ده..
مسحت دموعها وقالت
اطلع بره يا يونس..
يونس
طيب اهدي انا غلطان وانتي معاكي حق..
شهد زعقت فيه وقالت
اطلع بره يا يونس انا بجد مش طايقه اشافك دلوقتي، ولو ما طلعتش انا هرح بيت اخويا دلوقتي..
يونس قام وقال
لا وعلي ايه انا قايم اهوو، بس علي فكره انتي اللي مراتي مش هي وانتي اللي دلوقتي حبيبتي مش هي ومستعد اقول كده قدام الدنيا كلها..
شهد
قولت بره ومش هرد عليك..
_ابتسم يونس و طلع قعد بره، وشغل التلفزيون وفضل يتفرج عليه وعينه جات علي صورته هو وشهد يوم فرحهم وابتسم بهدوء وقال..
يونس
بتبقي قمر وانتي بتغيري بس لو بتغيري من غير نكد..
ـــــــ #بقلم_الكاتبه_رحاب_القاضي ـــــــــ
_ وتاني يوم..
كانت هاجر وولاء واقفين قدام محل ملابس وقالت هاجر..
هاجر
انا كنت جيبت ابني معايا ومسمعتش كلامك..
ولاء
هو انتي ليه محسساني انك سيبااه مع كد غريب ده مع ماما وبعدين ابوه زمانه هناك وقاعد معاه تعالي بقي انضفي..
هاجر لغيظ
اتلمي انا زي القمر اصلا..
ولاء
طيب اخلصي وتعالي ندخل عشان اتاخرنا علي الراجل..
هاجر
راجل مين؟..
ولاء
تعالي وانتي هتعرفي..
_ واول ما دخلو جوه المحل لقيو اللي موجود جوه عدي وهو بيدي تعليمات للعمال ولما شافهم قرب منهم وقال...
عدي وهو مبتسم
اهلا وسهلا وانا اقول المحل نور ليه؟..
ولاء
بنورك يا ابو نسب بص بقي هاجر كانت عايزه تجيب شوية حاجات تكون براند بقي وكده وطبعا ما لقيتش احسن منك نجيب من عنده..
عدي
طبعا المحل بتاعكم اصلا، وكويس وجيتو النهارده وانا هنا لان اغلب الايام بكون بين الشركه والمصنع....
ولاء
طيب الحمد لله، يلا بينا بقي يا هاجر نختار..
هاجر بصوت واطي
ده انا هنفخك يا حيوانه بس نطلع من هنا.
_ تفتكرو هيحصل ايه بقي؟..
_واول ما دخلو المحل، ظهر مازن اللي كان واقف بعيد عنهم شويه بقي رفيع اووي ووشه اسمر وتحت عيونه بزياده وشعر راسه كبير شويه وبص لاثرهم بدموع ومشي بسرعه ..
ــــ #بقلم_الكاتبه رحاب القاضي ــــــــ
_ وفي بيت احمد رياض..
كان قاعد مع اهله بيفطرو وقالت ثريا..
ثريا
ازاي يعني تمشي كده، حد. زعلها في حاجه يا نور؟..
نور بضيق
لا يا ماما بس هي مش طبيعيه اصلا...
احمد
بالعكس البنت جميله وهاديه اووي، انا متاكد ان سلطان دايقها وخوصاً انه اتخانق هو ويونس امبارح في بار..
رياض
امم بقولك ايه يا احمد انا عايز سلطان ومشاكله تكون بعيده عن علاقتنا بيونس الصاوي تمام..
احمد
ان شاء الله يا بابا ، المهم انا قررت اخد نور ونجيب بيت لوحدنا..
ثريا
ليه ايه لازمته اللي انت عايزه ده اصلا؟.
احمد
معلش يا ماما بس انا هكون مرتاح اكتر هناك..
رياض
خلاص يا ثريا هما حرين براحتهم..
ثريا بخبث
وانتي ايه رئيك يا نور في الكلام ده، ولا دي فكرتك اصلا؟..
نور بخوف
لا والله العظيم مش فكرتي، حتي انا مش عايزه نمشي وعايزه نقعد هنا..
وقف احمد وقال بعصبيه
خلاص يبقي خليكي معاهم لوحدك انا همشي..
قال كلامه ومشي وثريا زعقت فيها وقالت
انتي ايه اللي قولتيه ده، ايه نقعد هنا وتزعليه وتقعدي ليه بعيد عن جوزك...
نور بحزن
عشانك يا ماما وو..
ثريا بحده
وانا اعمل بيكي ايه، لا بجد انا قرفت منك..
_ قالت كلامها وسابت الفطار وطلعت فوق، ورياض راح شغله من غير ما يقول لنور حاجه بس كان بيبصلها بسخريه..
نور بغيظ
بعد كل ده بقيت انا اللي وحشه، بس والله انا مش هتنازل عن اني ابقي الكل في الكل هنا غصب عنكم كلكم...
ــــــــــ #بقلم_الكاتبه_رحاب_القاضي ــــــــــ
_ وفي المعرض بتاع يونس..
كان قاعد في مكتبه مداايق جدا وخصوصا من لما صحي ومالقاش شهد في البيت، مسك موبيله ورن عليها للمره العاشره وبرضو مش بترد..
دخل يوسف وقاله
هو ايه اللي حصل بينك وبين سلطان، ده بيقول انه هيدي التوكيل السنه دي لشركه تانيه..
يونس بجمود
مش هيقدر دا كان زمان دلوقتي لو عمل كده ما حدش من اللي فوق هيرضي لانهم عارفين ان انا احسن واحد ينفع ياخد التوكيل..
يوسف
طيب وليه اصلا تعمل مشاكل معاه ما احنا كنا كويسين...
يونس
هيرجع زي الكلب هنا عشان هو اللي بخليني اخده، المهم ابقي روح انت استلم الشحنه الجديده هيبقي معاك احمد رياض..
يوسف
تمام فطرت ولا اطلبلك معايا؟..
يونس بضيق
ماليش نفس يا يوسف...
يوسف
ايه ده من امتي وانت مالكش نفس تاكل ده انت ما بترحمش في الاكل..
يونس بغيظ
ما هي عين امك دي اللي جابتني ورا، المهم روح شوف هتعمل ايه يلااا...
في الوقت ده دخلت عندهم هناء وقالت
عايزه اتكلم معاك شويه يا يونس لوحدنا..
وقف يوسف وقال
طيب انا هروح اشوف اللي اتفقنا عليه يا يونس..
وبص لهناء وقال
تشربي ايه يا طنط؟..
هناء
شكرا يا ابني ربنا يخليك..
يونس
ابعتلنا شاي يا يوسف معلش..
يوسف
عينيا يا كبير..
طلع يوسف وهناء قالت ليونس
سامحت الكل حتي ابوك اللي كان السبب في اللي حصلي وحصلك بتعامله كويس واخوك كمان، اشمعنا انا لا؟..
يونس بجمود
اتفضلي اقعدي..
قعدت هناء قدامه وقالت
ليه مش راضي تصفالي يا يونس برغم انك عارف انه كان غصب عني..
يونس بنبره حزينه
العشم...
بصتله هناء بعدم فهم، وهو كمل كلامه
مش عارف اسامحك لانك كنتي الوحيده اللي اتعشمت فيها بزياده وكنت فاكر ان لو الدنيا كلها كانت هتسيبني امي مش هتسيبني، انا ما حستش بموت امي ولا زعلت عليها اد اليوم اللي اخدتي محمد ومازن ومشيتي وسبتيني..
هناء سكتت بحزن ويونس قال
بس عادي انا لو ما كنتش شوفت اللي عدي ده كله عمري ما كنت هبقي يونس الصاوي اللي انتي شيفاه دلوقتي ده...
هناء بدموع
طيب انا جايه ومتعشمه فيك انك تعملي اللي عايزااه..
يونس بهدوء
خير ان شاء الله؟
هناء بحزن
اخوك وحشني مازن فين ما حدش يعرف بس هو مش كويس انا عارفه قلبي بيقولي انه تعباان..
جه يتكلم بس هناء قالت
انت ومحمد اتلهيتو قي حياتكم هو ليه حق عليكم، انتو الاكبر منه وهو صغير..
قام يونس وقعد قدامها وقال
هدور عليه اطمني، انا بس عايز اعرف هو سافر فين ولا مين اللي سفره وهلاقيه..
هناء ببكاء
لو كنت زعلتك مني زمان انا اسفه وحقك عليا بس ابوس ايدك رجعلي ابني..
يونس اتنهد وقال
حاضر والله العظيم هرجعه وهيبقي احسن واحد كمان اطمني وخليكي واثقه فيا...
ــــــــ #بقلم_الكاتبه_رحاب_القاضي ــــــــ
_ وفي المحل بتاع عدي..
كانت هاجر مع ولاء بيختارو فساتين شكلها حلو جدا وعدي كان واقف بعيد عنهم وعيونه علي هاجر ومركز عليها وعلي طريقتها في الكلام، وجات جنبيه البنت اللي شغاله عنده وقالت..
البنت
استاذ عدي حضرتك بعتلي وعايزني، خير ان شاء الله..
عدي بصلها وقال
بصي يا مها عايزك تفضلي جنب الانسم ولاء والمدام اللي معاها تمام، وطلعي البضاعه الجديده قدامهم هما بس.
مها
بس حضرتك قولت ان الحاجات الجديده دي هتطلع الشهر الجاي في اخر رمضان..
عدي
ما انا بقولك يطلعو لدول بس، يختارو اللي عايزينه منها وبنص السعر تمام..
مها
تحت امر حضرتك يا عدي بيه...
وعند ولاء وهاجر قالتلها ولاء
شايفه عدي مش منزل عينه من عليكي..
هاجر بضيق
اخرسي يا ولاء انا اصلا هاين عليا اسيبك واطلع امشي بس مش عايزه احرجك قدام اخو خطيبك..
ولاء بخبث
قصدك جوز اختي المستقبلي..
ضربتها هاجر بالقلم وقالت
اتلمي بقي انا سكتالك من الصبح..
ولاء بغيظ.
مليون مره اقولك ما تمديش ايدك عليا بره البيت يا اوزعه..
هاجر بحده
ما تقوليش اوزعه يا رخمه..
قرب منهم عدي وقال
تحبو اساعدكم في حاجه؟..
ولاء بخبث
ايوه ياريت يا عدي عشان هاجر محتاره جدا...
هاجر بتوتر
ااا لا اصلا حضرتك ايه اللي هيفهمك في ملابس البنات وكده..
ابتسم عدي وقال
اصلا كل التصميمات دي الاغلب يعني انا مصممه..
هاجر بانبهار
بجد اللي جابلك يخليلك..
ضحكو ولاء وقالت
هههههه انا هروح اكلم علي يجي عشان هنتغدي كلنا بره النهارده ونقضي اليوم سوا اشطا..
عدي
اشطا انا موافق..
_مشيت ولاء وهاجر كانت بتبصلها بغيظ، وعدي قرب منها شويه وقال..
عدي
حامد عامل ايه؟..
هاجر بتوتر
كويس الحمد لله، ممكن بقي تروح تقعد علي مكتبك وانا هشوف محتاجه ايه؟..
عدي بهدوء
هو انتي ليه رفضتيني، ايه اللي مش عاجبك فيا..
ضمت هاجر ايديها لبعض بتوتر وقالت
واغلي حاجه عندك. انا ما بحبش اتحط في المواقف دي وو بص مش هعرف ارد عليك ولا اتصرف وهبوظ الدنيا كلها والله..
ضحك عدي وقال
ههههههههه خلاص انا هبعت واحده من البنات تساعدك وانا هقعد بعيد عنك خالص عشان ما تتوتريش..
قال كلامه ومشي من قدامها وهاجر قالت
يخربيتك يا ولاء اشوف فيكي يوم يا صفراا...
ـــــــــ #بقلم_الكاتبه_رحاب_القاضي ـــــــــ
_ وبالليل وصل محمد تحت بيت الاستاذ حمدي..
وطلع موبيله وكام هاجر اللي ردت عليه وقالت..
هاجر
نعم؟..
محمد
معلش اتأخرت النهارده بس اديني جيت انتي خلصتي مشوارك ولا لسه..
هاجر
لا لسه بس ماما وبابا فوق تقدر تطلع..
محمد بحده
وانتي فين لحد دلوقتي وسايبه ابنك..
هاجر
هو انا سيبااه في الشارع ده مع ماما وبعدين انت مالك اصلا..
محمد بضيق
هااجر انا مش بحب الطريقه دي ممكن اعرف انتي فين؟..
قبل ما ترد عليه هاجر جات ولاء وقالت
هاجر عدي هيطلب لينا بيتزا نوع جديد كده بيقولك يعمل حسابك معانا...
هاجر
لا لا انا عايزه بيتزا عادي..
جه عدي وقالها
علي ضمانتي بجد هتعجبك هعمل حسابك معانا اوكي..
هاجر بهدوء
حاضر خلاص ماشي..
مشي عدب وولاء وهاجر قالت
ايوه يا محمد.. الو محمد..
_ بصت علي الفون لقيته قفل في وشها...
_ تفتكرو هيحصل ايه؟..
ـــــــــ #بقلم_الكاتبه_رحاب_القاضي ــــــــــ
_وفي الكافي بتاع خالة نسرين..
دخل احمد ودور عليها بعنيه واول ما شافها واقفه مع العمال وبتزعق فيهم وهي كل شويه تحط ايدها علي شعرها الكيرلي بطريقه عصبيه، والعمال واقفين خايفين منها، راح قعد علي ترابيزه بعيد شويه وطلع موبيله وفضل يصور فيها وهو مبتسم لحد ما جات خالتها من ورله وقالتله..
بسمه
هو حضرتك بتعمل ايه؟..
قفل احمد الموبيل بسرعه وقال
اا انا اا ما فيش بس كنت بجرب كاميرا الفون؟..
بسمه
هو مش حضرتك احمد رياض؟..
احمد
هو حضرتك تعرفيني؟..
بسمه
ايوه طبعا اعرفك نسرين كانت بتوريني صورك وتقولي مديري المز اهو..
ضحك احمد وقال
هههههه انتي خالتها مش كده؟..
بسمه
هو ايوه انت خالتها قدام الناس انما الحقيقه انا ابقي صاجبة مامتها وبس..
احمد بأهتمام.
لا ازاي مش فاهم؟..
بسمه
بص يا سيدي قبل ما نسرين تتولد بسعات حصلت حادثه لاهلها كانت وقتها مامتها حامل فيها في الشهر السابع وباباها ومامتها ماتو، بس المعجزه وقتها ان نسرين فضلت عايشه في بطن مامتها ولحقوها بسرعه واتولدت نسرين ضعيفه جدا من مامتها الميته وفضلت شهرين في الحضانه وبعدين انا اخدتها من عمها لان ما كانش يصلح يربيها وبقي اللي يسألني اقولهم دي بنت اختي وما قولتش اخويا عشان انا ذكيه برضو وما حدش يركز في الاسم..
_ابتسم احمد وبص لنسرين اللي كانت بتضحك مع العمال اللي كانت بتزعقلهم من شويه، واتنهد بهدوء وقال..
احمد
حكايتها غريبه وجميله زيها بالظبط...
بسمه بهدوء
انت كنت بتغير عليها لما زعقتلها مش كده؟
احمد بتوتر
ااا مش عارف بس ما فيش تفسير للي بحس بيه لما بشوفها مع اي راجل غير اني بغير وده اول مره احس بيه رغم اني متجوز عن حب بس ولا مره حسيت مع مراتي اللي بحسه اتجااه نسرين واتمني الكلام ده يفضل بينا..
بسمه ابتسمت وقالت
تعرف انا حبيتك عشان انت صريح معايا وما تقلقش يا كبير سرك في قلبي قاعد جنبك اهووو..
_ ضحك احمد بصوت عالي وبسمه كمان، وبصتلهم نسرين اللي كانت واقفه بعيد واستغربت ان احمد. قاعد مع بسمه وقربت منهم وقالت..
نسرين بهدوء
دكتور احمد خير ان شاء الله؟..
احمد بصلها بهدوء وقال
جاي اقولك سوري علي اللي حصل مني في الشركه وو..
نسرين ببرود
ما اسمهاش سوري اسمها اسف تمام ويا اقبل اسفك ده يا ما اقبلوش..
احمد استغرب وقال
ايه ده من امتي الطريقه دي معايا؟..
نسرين بثقه
من النهارده عشان انا كنت بحترم حضرتك وانت ما كنتش بتعمل حاجه غير انك تدايقني وبس..
احمد بهدوء
طيب اسف مقبوله ولا لا؟..
ابتسمت نسرين وقالت
نورتنا يا دكتور احمد تحب حضرتك تشرب ايه؟..
احمد ابتسم لابتسامتها وقال
اي حاجه علي ذوقك..
نسرين بخبث
قهوه ساده حلو..
احمد ضحك بهدوء وقال
جرا ايه يا بوس بوس انتو بتعاملو زباينكم كده...
بسمه
لا طبعا انا بتعامل معاهم بمنتهي الشياكه انما دي عربجيه..
ضحك احمد ونسرين قالت
بقي كده طيب ما فيش عندنا غير قهوه ساده ها اجيبلك ولا لا؟..
احمد
الحمد لله ان في قهوه بس اعمليها انتي بقي متعود عليها منك...
_اتوترت نسرين من كلامه ونظرته ليها وابتسمت بهدوء وراحت ناحية المطبخ عشان تعمله القهوه..وهو كان باصص عليها ومبتسم..
بسمه
ممكن اطلب منك طلب؟..
احمد
طبعا اتفضلي..
بسمه
انسي كل اللي جواك من ناحيتها وخليك في حياتك.، مش ديما كل اللي قلبنا بيقوله لينا بيكون صح اوقات بيكون غلط وظلم لناس تانيه زي مراتك مثلا فكر كويس هتلاقي نفسك بتظلمها وبتظلم نفسك وبتظلم نسرين...
_ ادايق احمد من كلامها واتمني في اللحظه دي لو ان نور مو كانتش ظهرت في حياته من الاول او حتي ما كان سمع كلام مامته لما رفضتها ...
_ تفتكرو بقي هيحصل ايه مع ابطالنا؟...
ــــــــــــــــــــــــــــــــــــــــ
#بقلم_الكاتبه_رحاب_القاضي
